Һәр баланың үзенә генә хас сәләтләре була.  Шекше урта мәктәбенең I сыйныфында укучы Мөбәрәков Илнурның иң яраткан шөгыле- рәсем ясау. Буш вакыты булган саен ул кулына карандаш, буяулар ала. Аның ясаган рәсемнәрендә ниләр генә күрмәссең: табигать күренешләре, әкият геройлары, төрле җәнлекләр, су асты тормышы һ.б. Бәйрәмнәрдә ул әти-әнисен, дусларын үзе ясаган открыткалары белән куандыра. Шушы көннәрдә мәктәптә аның рәсемнәреннән торган күргәзмә оштырылды. Теләгән һәркем бу иҗат җимешләренә  карап, Илнурның сәләтләренә бәя бирә ала.