Бүген 20 апрель көнне 7, 8 класс укучылары мәктәп территориясенең һәм мәктәп яны тәҗрибә участогының кардан арынган урыннарында өмә ясадылар. Җирне былтыргы яфраклардан арындырып тырмаладылар, себерделәр. Тиздән бу урыннарда ямь-яшел чирәм чыгачак.

19 апрель көнне безнең мәктәп укучылары Кукмара районы Зур Сәрдек мәктәбендә үткәрелгән экологик культура һәм әйлә-тирә мохитне саклау елына багышланган С.Сүнчәләй исемендәге регионара фәнни-гамәли конференциядә катнашты. Инглиз теле секциясендә Зиннатова Әдилә 3 урынга (җит. Галимзянова Г.Г.), тарих секциясендә Мазитова Алисә 2 урынга (җит.Хабирзянова Р.И.), татар теле секциясендә Халиуллина Нурсилә 3 урынга (җит.Зәйнәгыева З.Ф.), рус теле секциясендә Сабирова Әдилә Мактау кәгазенә (җит.Габделхакова М.Р.) лаек булдылар.