24 декабрь көнне 7 класс укучылары үзләренең класс җитәкчеләре Габдулхакова М. Р. белән чаңгыда кичке прогулкага чыктылар. Аларның сүзләренчә, рәхәтләнеп шуып, саф һава сулап, сәгатьнең ничек тиз узганын да сизми калганнар.Тагы да шулай кичләрен чаңгыда чыгарга сүз куешып, бик югары кәеф белән өйләренә таралышканнар.
Башка класслар да алардан үрнәк алып, сәламәтлеккә таба юл тотсыннар иде. Моның өчен мәктәбебездә барлык шартлар да тудырылган: чаңгылар,тимераяк , шугалак, бер дигән спортзал. Ә авылыбызның нинди матур урында урнашканын исәпкә алсак, бу гүзәллекне күрми калу үзе үкенечле.