6 март көнне 7 нче класста (класс җитәкчесе Габдулхакова М.Р.) 8 Март бәйрәменә багышланган "Ягез әле, кызлар!" бәйгесе булды. Классташ малайлары әзерләгән әлеге бәйгедә кызларга күп сынаулар аша үтәргә туры килде. Кызларыбыз берсеннән-берсе уңган булып чыктылар, берсе дә сынатмады. Бәйгегә малайларның "Эх, сез матур кызлар" җыры тагы да ямь өстәде. "Ягез әле, кызлар!" бәйгесе малайларның бәйрәм котлавы һәм истәлекле бүләкләр тапшыруы белән тәмамланды.