13 февральдә Гашыйклар көне үткәрелде. Хәзерге вакытта төрле уку йортларында укучы студентларыбыз да катнашты. Алар үзләренең уку йортлары турында сөйләделәр, киңәшләрен бирделәр.
   "Сердәш" почтасындагы хатлар укылды. Ахырдан иң кызыгы, "Син минеке - мин синеке "тапшыруы үткәрелде. Үзенең акыллы киңәшләрен астролог Рушания Хисамова җиткерде. Тапшыруның төп герое КГТУның 3 нче курс студенты Айнур Яхин булды. Ул чын мәгънәсендә үзен кызларны гашыйк иттерә алучы егет итеп күрсәтте.  Аның мәхәббәте өчен 4 кыз - Нурсинә, Дания, Ильвира, Флүзә көрәште. Кызлар үзләренең уңганлыкларын, булганлыкларын күрсәттеләр. Кызлар арасыннан Айнур үзенә 10 нчы класс укучысы Дания Хөсәенованы сайлады. Аларга бәйрәм истәлеге итеп сувенирлар һәм мәктәп шугалагына "юллама" бирелде.