Лагерьның беренче көне көндәлек линейкадан, балаларны барлау һәм инструктаж үткәрүдән башланды. Балаларны яклау көне уңаеннан Шекше мәдәният йорты хезмәткәрләре һәм лагерь тәрбиячеләре күңелле Сабантуй оештырдылар.  Чүлмәк вату, капчык киеп, кашыкка йомырка салып йөгерү, кашык белән су ташу, эстафета уеннарында барлык укучылар катнашып, бүләкләр алдылар. Көндезге аштан соң универсиада тарихы белән танытылар, презентация, видео карадылар, тәрбиячеләрнең  чыгышларын тыңладылар.

Балаларны яклау көненә багышлап асфальтта һәм кәгазьгә рәсем ясадылар.

1 июнь көнне 6 (кл. җит.Галиева М.Р.) һәм 8( кл.җит. Хабирзянова Р.И.)класс укучылары катнашында Балаларны халыкара яклау көненә багышланган класс сәгате үтте. Укучылар бу көннең килеп чыгу тарихы һәм символлары белән таныштылар. Бала хокуклары конвенциясенең пунктларын искә төшереп үттеләр.

27 май көнне Казан шәһәре Балалар иҗаты үзәге "Балалар академия"сендә Республикакүләм "Всезнайка" олимпиадасында җиңүчеләрне котлау булды. 7 класс укучысы Зиннатова Әдилә (җитәкчесе Зәйнәгыева З.Ф.) җиңүче дипломы һәм истәлекле бүләккә лаек булды.

 

16 май көнне Пионерия туган көненә багышлап үткәрелгән слетта мәктәптән варислар хәрәкәте алдынгылары катнашты. Алар төрле уеннарда, җырлы-биюләрдә актив катнашып, күңелле ял итеп кайттылар.

Мәктәп яны тәҗрибә участогында кызу эш чоры. Башлангыч класс укучылары да үзләренә билгеләнгән участокта тырышып эшлиләр.

Татарстан Республикасы күләмендә игълан ителгән бердәм Универсиада көне уңаеннан, бүген 15 май көнне барлык классларда Универсиада дәресләре үтте.

Җиңү көне иң зур бәйрәм бит ул,

Дүрт күз белән зарыгып көткән көн.

Күпме кайгы, югалтулар аша

Илгә шатлык алып килгән көн.

Җиңү көне җиргә килгән саен,

Яфрак ярган саен бөреләр.

Яу кырында калган ир-егетләр

Күңелләрдә кабат терелә.

Авылыбыз уртасындагы билгесез солдат һәйкәле янында сугыш ветеранарын хөрмәтләү һәм һәлак булганнарны искә алу митингы булды.